اوشاق شعرلری
درباره سایت
آخرین مطالب
امکانات وب
سرت چیلله نین قارپیزی
دَملی، قاینار یارپیزی
شاختاسی، قاری، بوزو
تؤکوب، ایچیب، یئیه ریک
شنلیک ائدیب، دئیه ریک:
چیلله گلدی قار ایله
آلما، حئیوا، نار ایله
سبد دولو بار ایله!
سیندیراق قیش بوزونو
آغلاداق آغ گؤزونو
هرکس دئسین سؤزونو
قار دا گؤیدن اَلنسین
داغ- داشا سره لنسین
پالتاری تزه لنسین
آغ پاپاق قویسون داغلار
گوموش دون گئیسین باغلار.
برچسب: نویسنده: طاها کاظمی تاريخ: سه شنبه 16 شهريور 1395 ساعت: 5:47
دام اوستده چیخدی خوروز
بانلادی: تئز دورونوز!
هرگون سحر بانلادی
تنبل لری دانلادی.
گوجون وئردی بوغازا
اوزون توتدو «ساناز»ا
قوققولو- قو، باغیردی
«ساناز»ی دا چاغیردی.
دور یوخودان،گئج اولدو
اوخولدا یئرلر دولدو.
ساناز آییلیب باخدی
اوز-گؤزون سیلیب یاخدی.
تئز یودو اوزون- اَلین
فیرچالادی دیشلرین.
خوروز دوشدو یادینا
باخدی تویوق قادینا.
گئتدی دنین گتیرسین
تویوقلاری یئدیرسین.
تویوق، خوروز، دنله، دن
یومورتانی یئییم من!
برچسب: داغ خوروزو,ایران خوروزیبایی,لاری خوروز, نویسنده: طاها کاظمی تاريخ: سه شنبه 16 شهريور 1395 ساعت: 5:47
حوندور، اوجاسان آی داغ
اَته یینده دره، باغ.
یازدا یاشیللاشیرسان
سئل- سو دولو داشیرسان.
یایدا چیچک آچیرسان
مین تور عطر ساچیرسان.
پاییز دا بار وئریرسن
ساچلارینا دوشور دن.
قیشدا آغ دون گئییرسن
گلین لره دئییرسن:
یئنه ده یازگله جک
«یاشام» اوزه گوله جک.
برچسب: داغستان,داغ,داغونم,داغ چت,داغ داغ,داغ شدن کف دست,داغش,داغ برادر,داغی کف پا,داغ شدن گوشی, نویسنده: طاها کاظمی تاريخ: سه شنبه 16 شهريور 1395 ساعت: 5:46
دوغوم گونون قوتلو اولسون
کدرین سارالیب سولسون
اوره یین سئوینجله دولسون
قوتلو، قوتلو، قوتلو اولسون!
دوغوم گونون قوتلو اولسون!
گَل اوتور موملاری پیله
شیرنی پایلا گوله-گوله
تای- توشلارین گلسین دیله
قوتلو، قوتلو، قوتلو اولسون!
دوغوم گونون قوتلو اولسون!
گئچیب، چاتدی بو ایل باشا
اوزون ایللر بویو یاشا!
بؤیویوب اول بؤیوک پاشا
قوتلو، قوتلو، قوتلو اولسون!
دوغوم گونون قوتلو اولسون!
برچسب: دوغوم گونون موبارک اولسون,دوغوم گونون مبارک,دوغوم گونو شعرلری,دوغوم گونون قوتلو اولسون,دوغوم گونو,دوغوم گونون,دوغوم گونون موبارک,دوغوم گونون موتلو اولسون,دوغوم گونو تبریکی,دوغوم گونو شعری, نویسنده: طاها کاظمی تاريخ: سه شنبه 16 شهريور 1395 ساعت: 5:46
بولوت گلدی، یئل گلدی
چای- دره دن سئل گلدی.
گونَش گؤیده سارالدی
اوزون بولوتلار آلدی.
یئل گلیب دیر اَسمه یه
ساری یاپراق کسمه یه.
دورنا قوشلار اوچوبلار
دسته- دسته کؤچوبلر.
دان یئلی ده اویانیب
چؤللر ایشیق بویانیب.
قارا بولوت تله سیر
سویوق بارماغی کسیر.
قاچیب گیرین ائولره
قالین گئیینسین هره.
آنادان گئییم آلین
هم ایستی، هم ده قالین!
برچسب: سویوق,سویوق بولاق,سویوق بلاغ, نویسنده: طاها کاظمی تاريخ: سه شنبه 16 شهريور 1395 ساعت: 5:46
بیر اوشاق واردی «آیدین»
او چکردی اؤز قایدین.
اَل- اوزونو یویاردی
یوخودان تئز دوراردی.
اوخولا گئج گئتمزدی
شیلتاقلیق دا ائتمزدی.
اوستو عطر قوخوسو
اونو سئور چوخوسو.
«آیدین» هرگون تمیزدی
اونا گؤره عزیزدی.
برچسب: نویسنده: طاها کاظمی تاريخ: سه شنبه 16 شهريور 1395 ساعت: 5:46
کولَک، ندن اَسیرسن؟
قاچماغا تله سیرسن؟
قووورلارسنی دئیه؟
بئله قاچیرسان نییه؟
قار سَپیرسن اوزومدن
یاش تؤکورسن گؤزومدن.
سن نه یامانسان کولَک؟
ائتمرم سندن دیلَک!
وورما کولَک اوزومه
قولاق وئر سن سؤزومه!
سانما کیچیک اوشاق دیر
قار-کولَکدن قاچاق دیر!
دئییم سنه اورَکدن
من قورخمارام کولَکدن!
یول وئرمز سنه «یاشام»
اؤنونده سرت بیر داشام!
برچسب: نویسنده: طاها کاظمی تاريخ: سه شنبه 16 شهريور 1395 ساعت: 5:46
من سئورَم آنامی
اوجا بویلو آتامی
یاشادیغیم اوبامی
اؤیرندیییم اؤز دیلیم
گووه نیر منه ائلیم!
بو دیل، منیم دیلیم دیر
هم آنام، هم ائلیم دیر
یاغیشیم دیر، سئلیم دیر
آنا، اؤیرت دانیشیم!
ائللریمه قاریشیم!
بهار اولار، یاز اولار
آنا دیلده یاز، اولار؟
اوندا کیفیم ساز اولار
یوردو، دیلی،آنانی
سؤیله، سئومه یَن حانی؟
برچسب: آنا دیلیم,آنا دیلیم اولن دئیل,آنا دیلیمیز,آنا دیلیم اولن دییل,آنا دیلیم اولن دییر,انا دیلیم تورک,آنا دیلیم تورکی,آنا ديليم,یاشاسین آنا دیلیم,شعر ترکی آنا دیلیم, نویسنده: طاها کاظمی تاريخ: سه شنبه 16 شهريور 1395 ساعت: 5:46
تای توشلار آی تای توشلار
قولاق آسین یولداشلار
بیرسؤز دئييم سيرداش لار
تانري سئومير يالاني
اؤزون اودا سالاني
يالان دئييب دانيشما
شيطان لا س باريشما
پیسلیکله سن قاریشما
تانری سئومير يالاني
اؤزون اودا سالاني
آنام دئدي ن دويدوم
اونون سؤزويله اويدوم
يالاني يئره قويدوم
برچسب: یالان دنیا,یالان,یالان ابراهیم تاتلیس,یالان باشکاسو یالان,یالان دونیا,یالان چت,یالانچی چوبان,یالان یگانه,یالان دنیا یعنی چه؟,یالان دنیا محسن یگانه, نویسنده: طاها کاظمی تاريخ: سه شنبه 16 شهريور 1395 ساعت: 5:46
اوشاقلارu200dسلام سلام اوشاقلار
شیرین کلام اوشاقلار
داغلار ،چمن بزه ندیگوله تمام ، اوشاقلار
یارادیب دیر یارادانگوزل گوزل گوللرییاشیل ،قیرمیز،نارینجیبزه ییب دیر چوللری
کنگر اوسته،گول اوستهبولبول سالدی یؤواسینساری کوینک اوخویوردیلینده حاق صداسین
گویده باخین قوشلارااوردک گلیر ، قاز گلیرقاطار قاطار دورنالارخبر وئریر یاز گلیر
دؤوشان کولون دیبیندهشیرین یاتیب خبرسیزقارتال گزیر باش اوستهقاچیب خبر وئررسیز
دؤوشان دورما قاچ ها قاچچپیک چالین اوشاقلارهامی وئرسین ال الهدئیین، گولون اوشاقلار
یاشام
برچسب: اوشاقلار اوچون شعرلر,اوشاقلار ماهنیسی mp3,اوشاقلار شعری,اوشاقلار اوچون ناغیل,اوشاقلار آی اوشاقلار,اوشاقلار اوچون ماهنی,اوشاقلار شعري,مسجد اوشاقلاری,مکتب اوشاقلاری,خوی اوشاقلاری, نویسنده: طاها کاظمی تاريخ: سه شنبه 16 شهريور 1395 ساعت: 5:46